ტურინის იუვენტუსის ლეგენდარულმა მეკარემ, ჯანლუიჯი ბუფონმა ყველაზე უხერხული მოწინააღმდეგე დაასახელა. მან გაიხსენა ლიონელ მესი, კრიშტიანუ რონალდუ, ზინედინ ზიდანი, რონალდო ნაზარიო, რონალდინიო გაუჩო და კრისტიან ვიერი. იტალიელმა ყოფილმა გოლკიპერმა ჩამოთვლილთაგან პორტუგალიელი ფორვარდი გამოარჩია.
"კარიერის საწყის ეტაპზე ბევრ გოლს ვიერი მიტანდა. მის ფიზიკურ სიძლიერეს ვერაფერს ვუხერხებდით. თანამედროვე ფეხბურთელებიდან მინდა გამოვარჩიო რონალდუ, რომელიც, სამწუხაროდ, ყოველთვის ახერხებდა ჩემი კარის აღებას. მსგავსი ცივსისხლიანობა, ენერგია და თავდაჯერებულობა სხვას არავის ჰქონია.
მესი ასევე უნიკალური ფეხბურთელია, რომელიც მოედანზე საოცრებებს ჩადის. მქონდა ასევე ზიდანის, რონალდოსა და რონალდინიოს წინააღმდეგ თამაშის ბედნიერება. იტალიელ მოთამაშეებს არ დავასახელებ, რადგან ისინი ძალიან ბევრნი იყვნენ", - განაცხადა "სინიორას" ლეგენდარულმა კარის დარაჯმა, რომელმაც კარიერა 2023 წელს დაასრულა.
