მას შემდეგ, რაც ქართველი შემტევი ხვიჩა კვარაცხელია პსჟ-ში გადავიდა, გუნდი დაუმარცხებელია და ბრწყინვალე ფეხბურთს თამაშობს. ამაში დიდი წვლილი დანარჩენ სხვა ფეხბურთელებსაც მიუძღვით.
საოცარ ფორმაში იყო გუნდის ერთ-ერთი ლიდერი ბრედლი ბარკოლა, რომელიც კვარას ტრანსფერის პერიოდში გოლს გოლზე იტანდა და მთავარი დამრტყმელი ძალა იყო.
თუმცა ბოლო პერიოდში, ხვიჩა კვარაცხელია იმდენად კარგ ფორმაში შევიდა, რომ ბარკოლას სათადარიგოთა სკამზე გადაჯდომა მოუწია. ამას ემატება დეზირე დუეს და უსმან დემბელეს კარგი თამაშიც.
მნიშვნელოვან მატჩებში, ლუის ენრიკეს ბარკოლა ძირითადად მეორე ტაიმში შემოჰყავს ხოლმე და მისი სათამაშო დრო საგრძნობლად შემცირდა. პსჟ ბარკოლასთან კონტრაქტის გახანგრძლივებას გეგმავს, მაგრამ ფრანგი შემტევი მცირე სათამაშო დროით უკმაყოფილოა და შესაძლოა, გუნდი ზამთარშივე დატოვოს.
ბარკოლას შემოთავაზება საუდის არაბეთიდან აქვს. ახალგაზრდა შემტევი ზაფხულამდე სიტუაციას დააკვირდება და ამის შემდეგ მიიღებს საბოლოო გადაწყვეტილებას.
