საქართველოსთან გასამართი მატჩის წინ კომენტარი ესპანეთის ნაკრების ფეხბურთელმა მიკელ მერინომ გააკეთა.
"მნიშვნელოვანი დღეები გვაქვს, ნაკრებში თამაში ყოველთვის სასიამოვნოა. ნიკო უილიამსი და იამალი არ გვეყოლება, თუმცა ჩვენი გეგმა უცვლელია - გამარჯვება მომდევნო მატჩებში.
უამინდობა ელჩეში და მატჩის გადადების საფრთხე ფეხბურთის შემადგენელი ნაწილია. ვნახოთ, რა იქნება ხვალ. საბოლოო ჯამში, მთავარი მაინც ადამიანების ჯანმრთელობაა.
დაუმარცხებელი სტატისტიკა კარგია, მაგრამ მთავარია, ასე გავაგრძელოთ. მომდევნო თამაშებიც უნდა მოვიგოთ და დავამტკიცოთ, რომ მსოფლიოში საუკეთესო ნაკრები გვყავს", - განაცხადა მერინომ.
