კენანს ბავშვობაში დელ პიეროს პოსტერი ჰქონდა ოთახში გაკრული და ოცნებობდა, რომ ერთ დღეს მასაც მოერგო იუვენტუსის 10-ნომრიანი მაისური. ტურინულ კლუბში მას უკვე ჰქონდა ხმაურიანი დებიუტი და 15 მატჩში 3 გოლის გატანა მოახერხა. გუნდმა სერია ა-ში ბოლო ორი მატჩი ემპოლისთან და ინტერთან ჩააგდო და საჩემპიონო ბრძოლაში საქმე გაირთულა. ილდიზისთვის განსაკუთრებით მძიმე იყო ინტერთან შეხვედრა, თუმცა მატჩის შემდეგ ინტერვიუში დელ პიერომ დაიცვა და მის ტალანტს გაუსვა ხაზი.
18 წლის ასაკში ილდიზი სწორ გზაზე დგას და მის სათამაშო ინტელექტს ყველა ამჩნევს. ლოგიკურია, რომ იუვენტუსი ახალ კონტრაქტზე ალაპარაკდა და ტალანტის დიდი ხნით შენარჩუნება სურს. კენანს მოქმედი კონტრაქტი 2027 წელს ეწურება და ხელფასის სახით სეზონში 0,5 მილიონ ევროს გამოიმუშავებს. ტურინული კლუბი კი მას ახალი კონტრაქტის 2029 წლამდე გახანგრძლივებასა და გაორმაგებულ ხელფასს შესთავაზებს. ასევე სავარაუდოა, რომ ახალ ხელშეკრულებაში 10-ნომრიან მაისურზეც იყო საუბარი, რომელსაც ამჟამად, დოპინგის გამო დისკვალიფიცირებული, პოლ პოგბა ფლობს და ფაქტობრივად, თავისუფალია, რადგან მისი დაბრუნება ტურნირში წარმოუდგენელი იქნება.
