მორიგი ქამბექი და მნიშვნელოვანი გამარჯვება — მილანმა პარმა დაამარცხა

სერია ა-ს 22-ე ტურის მორიგი მატჩი სან სიროზე გაიმართა, სადაც ერთმანეთს მილანი და პარმა დაუპირისპირდნენ. "როსონერი" ამ შეხვედრას ფავორიტის სტატუსით შეხვდა, თუმცა ამის მიუხედავად სტუმარმა გუნდმა მეტოქეს არაფერი დაუთმო. 90 წუთის განმავლობაში მაყურებელმა საოცარი ბრძოლა იხილა, სადაც მილანმა კიდევ ერთხელ დააქამბექა და მნიშვნელოვანი 3 ქულა მოიპოვა.

პარმადან გოლების გატანა მატეო კანჩელიერიმ და ენრიკო დელ პატრომ მოახერხეს, ხოლო მილანიდან თავის გამოჩენა კრისტიან პულისიკმა, ტიჯანი რეინდერსმა და სამუელ ჩუკვუეზემ შეძლეს. ამ უკანასკნელმა გამარჯვების მომტანი გოლი 95-ე წუთზე გაიტანა!

სერჟიუ კონსეისაუს გუნდი ამ გამარჯვების შემდეგ 34 ქულას აგროვებს, რითაც მე-6 პოზიციამდე დაწინაურდა. რაც შეეხება პარმას, სტუმრები 20 ქულით, მე-17 პოზიციაზე დარჩნენ.