გუნდის მთავარი მწვრთნელი, ფრანჩესკო კალცონა ემპოლისთან მატჩისთვის ძირითად შემადგენლობაში 5 ცვლილების განხორციელებას გეგმავს.
ამის ერთ-ერთი მიზეზი ბოლო პერიოდში ნაჩვენები არასასურველი შედეგია, რასაც კლუბში გადატვირთულ სეზონსა და დაღლილობას აბრალებენ. კალცონას ამ გადაწყვეტილების მიზეზიც ფეხბურთელების დაღლილობაა.
ჯერჯერობით უცნობია, არის თუ არა ამ სიაში ხვიჩა კვარაცხელია, რომელმაც დღევანდელი ვარჯიში ჯანმრთელობის პრობლემების გამო გამოტოვა. ცნობისთვის, 32 ტურის შემდეგ, ნაპოლის 49 ქულა აქვს და სატურნირო ცხრილში მე-8 პოზიციას იკავებს.
