მატჩის ბედი მასპინძელთა ახალწვეულმა, ომარ მარმუშმა პირველივე ტაიმში გადაწყვიტა — 26 წლის ეგვიპტელმა 14 წუთში ჰეთ-თრიკი გაიფორმა.
შეხვედრის მიწურულს, 84-ე წუთზე ნიუკასლის კარი ჯეიმს მაკატიმ აიღო, მატჩის საბოლოო ანგარიში, 4:0 დააფიქსირა და მანჩესტერ სიტიმ მნიშვნელოვანი 3 ქულა მოიპოვა.
25 მატჩის შემდეგ მანჩესტერ სიტის 44 ქულა აქვს და მე-4 ადგილზე იმყოფება, ხოლო ნიუკასლი - 41 ქულით მე-7 პოზიციას იკავებს. მომდევნო ტურში პეპ გვარდიოლას გუნდი ლივერპულს უმასპინძლებს, ედი ჰაუს თერთმეტეული კი ნოტინგემს მიიღებს.
