დღეს, ეროვნული ლიგის მე-13 ტურის ცენტრალური შეხვედრა გაიმართება, სადაც ერთმანეთს მოქმედი ჩემპიონი იბერია და დინამო ბათუმი დაუპირიპირდებიან.
შეხვედრა ბათუმში, ცენტრალურ სტადიონზე გაიმართება და ამ მატჩის მნიშვნელობიდან გამომდინარე, ბათუმი არენაზე უამრავ გულშემატკივარს უნდა ველოდოთ.
12 ტურის შემდეგ, იბერია და დინამო ბათუმი დაუმარცხებლები არიან და ჩემპიონატის ცხრილის სათავეში იმყოფებიან.
ამ მატჩს დიდ ინტერესს ისიც სძენს, რომ დინამო ბათუმის ამჟამინდელი მთავარი მწვრთნელი გიორგი ჭიაბრიშვილი იმ ყოფილი გუნდის წინააღმდეგ ითამაშებს, სადაც კარიერის საუკეთესო წლები დაჰყო.
მიუხედავად იმისა, რომ დინამო ბათუმი წაუგებელია, გუნდს ზედიზედ სამი თამაშია არ მოუგია, რითიც იბერიას უკვე 6 ქულით ჩამორჩა და დღეს გამარჯვება სჭირდებათ.
ამ შეხვედრის გარდა, დღეს კიდევ ორი მატჩი გაიმართება, სადაც დილა ტორპედოს, სამგურალი კი გაგრას უმასპინძლებს.
ეროვნული ლიგის მე-13 ტურის კალენდარი
7 მაისი
19:00 დილა-ტორპედო
20:00 სამგურალი-გაგრა
21:00 დინამო ბათუმი-იბერია
8 მაისი
19:00 დინამო თბილისი-თელავი
21:00 გარეჯი-კოლხეთი
