ორიდან ორი! საქართველომ ფინეთი კიდევ ერთხელ დაამარცხა

სულ რამდენიმე წუთის წინ ევროპის 2025 წლის ჩემპიონატის საკვალიფიკაციო ტურნირის მორიგი მატჩი დასრულდა, სადაც საქართველოს საკალათბურთო ნაკრებმა ფინეთი მძიმე ბრძოლაში, ზედიზედ მეორედ, ანგარიშით 81:64 დაამარცხა და ჯგუფში მეორე გამარჯვება მოიპოვა! მაყურებელმა საკმაოდ სანახაობრივი და დაძაბული მატჩი იხილა, სადაც ალეკსანდარ ჯიკიჩის გუნდმა მეტოქე დამსახურებულად დაამარცხა.

ჩვენი გუნდიდან საუკეთესო კვლავ კაპიტანი იყო — თორნიკე შენგელიამ ნაკრებს კიდევ ერთხელ ულიდერა და გამარჯვებაში უდიდესი წვლილი შეიტანა. გამოცდილმა კალათბურთელმა 25 ქულა ჩააგდო, 4 მოხსნა შეასრულა და 6 შედეგიანი პასითაც გამოიჩინა თავი. წინა მატჩის მსგავსად, კარგი მატჩი ჰქონდა კამარ ბოლდუინსაც, რომელმაც 22 ქულა მოუტანა საკუთარ გუნდს, რასაც 8 მოხსნა და 5 პასიც დაუმატა.