ოსიმენის ტრანსფერი: დე ლაურენტისი პროკურატურაში დაიბარეს

ნაპოლის პრეზიდენტი, აურელიო დე ლაურენტისი რომის პროკურატურაში რამდენიმე წუთის წინ მივიდა, რათა გამოძიების ფარგლებში დაიკითხოს. პროკურატურა დე ლაურენტისს ფინანსური აღრიცხვის გაყალბებაში ადანაშაულებს — პროცესი დაკავშირებულია 2020 წელს ოსიმენის ტრანსფერთან და სავარაუდო ფიქტიური კაპიტალის ნამატთან. ამ გარიგებაში ნაპოლიმ 4 ფეხბურთელი ჩართო: ორესტის კარნეზისი და 3 აკადემიის ფეხბურთელი: ლუიჯი ლიგუორი, კლაუდიო მანცი და ჩირო პალმიერი.