ჩემპიონთა ლიგის მეორე ტურში, ბარსელონამ ტურნირის მოქმედ გამარჯვებულს, პსჟ-ს უმასპინძლა და დაძაბულ ბრძოლაში 1-2 დამარცხდა.
აღნიშნული შეხვედრის შემდეგ, კატალონიური კლუბის მთავარმა მწვრთნელმა, ჰანსი ფლიკმა კომენტარი გააკეთა და მარცხის მიზეზებზე ისაუბრა.
"მეტოქემ მაღალი ხარისხის ფეხბურთი აჩვენა და გამარჯვება დაიმსახურა. ჩვენ ბოლო პერიოდში ბევრი მატჩი ჩავატარეთ და გუნდი დაღლილი იყო, თუმცა, ბოლომდე ვიბრძოლეთ."
"დარწმუნებული ვარ, ჩვენც შეგვიძლია მათსავით თამაში, მაგრამ ამისთვის საჭიროა, რომ მთელმა გუნდმა 90 წუთის განმავლობაში ერთად იმუშაოს დაცვაში, შეტევასა და სივრცეების გამოყენებაში. პსჟ-სგან სწორედ ეს უნდა ვისწავლოთ" — ჰანსი ფლიკი.
