ჩემპიონშიპის 24-ე ტურში უოტფორდი ესტუმრა ნორვიჩი სიტის, რომელიც მინიმალური ანგარიშით დაამარცხა. ეს მატჩი გამორჩეული იყო იმით, რომ პირველად 29 მარტის შემდეგ, გიორგი ჩაკვეტაძემ "ყვითლების" შემადგენლობაში ითამაშა შეუცვლელად, 90 წუთი. ეს იყო ქართველი ფლეიმეიქერის მე-6 შეხვედრა ტრავმის მოშუშების შემდეგ.
ჰერტფორდშირელების ნახევარმცველმა დაზიანება მიიღო აპრილის დასაწყისში, რის გამოც მან რამდენიმე თვე გამოტოვა. მისი დაბრუნება შედგა ნოემბრის ბოლოს, მაგრამ ვიკარიჯ როუდის ბინადრების მე-8 ნომერს აქამდე სრული შეხვედრა ჩატარებული არ ჰქონდა. როგორც აღვნიშნეთ, უსიამოვნო სერია 24-ე ტურში დასრულდა.
შეგახსენებთ, რომ ჩაკვეტაძე უოტფორდში თამაშობს 2023 წლიდან და ამ დროის განმავლობაში მან მოასწრო 85 მატჩის ჩატარება, 3 გოლის გატანა და 10 ასისტის გაკეთება. რაც შეეხება "ყვითლების" სატურნირო მდგომარეობას: მე-6 პოზიცია და 38 ქულა.
