[პრევიუ] ბოლო შანსები ევროტურნირებზე მოსახვედრად - ნაპოლი ფროსინონეს წინააღმდეგ

ეს მატჩი ორივე გუნდისთვის ძალიან მნიშვნელოვანია, რადგან ნაპოლი ევროტურნირებზე გასასვლელად იბრძვის, ფროსინონე კი სერია ა-ში ადგილის შესანარჩუნებლად, ამიტომ ორივე გუნდისთვის ყველა ქულა მნიშვნელოვანია.

ყველა ტურნირზე ნაპოლის 4-მატჩიანი მოუგებელი სერია ჰქონდა და გასულ ტურში მონცას სძლიეს. 48 ქულა აქვთ და ევროტურნირების ზონას 2 ქულით ჩამორჩებიან.

კარგ ფორმაშია ნაპოლის ქართველი ლიდერი ხვიჩა კვარაცხელია, რომელიც ზედიზედ 2-ჯერ ნაპოლის თვის საუკეთესო ფეხბურთელად დასახელდა. არაა გამორიცხული, ეს ზედიზედ მესამედაც მოხდეს, რადგან კვარაცხელიას აპრილში ერთი ასისტი აქვს და თამაშები ჯერ კიდევ წინაა.

ფაქტია, ნაპოლის ახალი მთავარი მწვრთნელის, კალცონას მოსვლის შემდეგ, კვარაცხელიამ მოუმატა და სეზონის ცუდი სტარტის შემდეგ, ბოლო 9 მატჩში მას 4 გოლი და 2 საგოლე გადაცემა აქვს.

ფრანჩესკო კალცონა (ნაპოლის მთავარი მწვრთნელი): "კვარაცხელია გუნდისთვის მნიშვნელოვანი ფეხბურთელია. ის მორცხვია და ბევრს არ ლაპარაკობს, საქმეს კი იდეალურად აკეთებს. სულ ფეხბურთზეა კონცეტრირებული, რაც ძალიან მახარებს"

ისიც აღსანიშნავია, რომ ფროსინონეს რიგებში თამაშობს ქართველი ფეხბურთელი გიორგი კვერნაძე და შესაძლოა, დღეს სერია ა-ში ქართული დაპირისპირება ვიხილოთ.

თუცა სამწუხაროდ, ახალაზრდა ფეხბურთელს ამ გუნდში დიდი სათამაშო დრო არ ეძლევა და მისი მოედანზე გამოსვლა ნაკლებად სავარაუდოა.

იტალიის სერია ა, 32-ე ტური

14 აპრილი, 14:30

სტადიო დიეგო არმანდო მარადონა, ნეაპოლი

მთავარი მსაჯი: მიკაელ ფაბრი