[პრევიუ] ჩაკვეტაძის დიდი გამოცდა - უოტფორდი მანჩესტერ სიტის წინააღმდეგ

საქართველოს ნაკრების ფეხბურთელი გიორგი ჩაკვეტაძე ამ მატჩს ბრწყინვალე ფორმაში ხვდება და მზადაა, რომ უძლიერესი მეტოქის წინააღმდეგ მორიგი სანახაობა შემოგვთავაზოს.

სეზონის კარგი სტარტის შემდეგ, უოტფორდს ჩემპიონატში უკვე ზედიზედ 3 მატჩია არ მოუგია და 10 ქულით მე-8 პოზიციას იკავებს, თუმცა გუნდის მთავარი მიზანი მაინც პრემიერ ლიგაში დაბრუნებაა.

რაც შეეხება მანჩესტერ სიტის, ტრადიციულად, გვარდიოლას გუნდი საოცრად თამაშობს და პრემიერ ლიგის ცხრილს კვლავაც სათავეში უდგას. პირველი ქულები მათ გასულ ტურში, არსენალთან დაკარგეს.

ჩაკვეტაძის ანგარიშზე ამ სეზონში 1 გოლი და 2 საგოლე გადაცემაა. მანჩესტერ სიტის ლიდერი, ერლინგ ჰოლანდი კი არარეალურ სტატისტიკას აფიქსირებს და 5 მატჩში 10 გოლი აქვს გატანილი.

დღევანდელ შეხვედრაში მანჩესტერ სიტის ორი ლიდერი - როდრი და დე ბრუინი დააკლდება. შესაძლოა, გვარდიოლამ ჰოლანდიც დაასვენოს. ბრიტანული პრესის ცნობით, ამ მატჩში სიტის 5 ფეხბურთელის დებიუტი შედგება.

გიორგი ჩაკვეტაძე: "ასეთი ძლიერი გუნდის წინააღმდეგ უფრო მეორე ნომრად ვითამაშებთ. რთული მატჩი იქნება და შევეცდებით, მოედანზე ჩვენი მაქსიმუმი გავიღოთ. ყველა თამაშში ვცდილობ ბოლომდე დავიხარჯო, არ აქვს მნიშვნელობა, ვინ იქნება მეტოქე. სიტისთანაც შევეცდები კარგი თამაში ვაჩვენო. მანჩესტერ სიტის რომ მსოფლიო დონის ფეხბურთელები ჰყავს, ახალი ამბავი არ არის. 

24 სექტემბერი, 22:45;

ინგლისის თასი, 1/16-ფინალური ეტაპი;

ეტიჰად სტადიონი, მანჩესტერი;

მთავარი მსაჯი: დავიდ ვები;

მანჩესტერ სიტის სავარაუდო შემადგენლობა: ორტეგა, უოლკერი, სტოუნსი, გვარდიოლი, ლევისი, მაკატი, კოვაჩიჩი, ნუნესი, გუნდოგანი, გრილიში, ფოდენი.