[პრევიუ] დღეს საქართველოს თასის ფინალია - დინამო თბილისი სპაერის წინააღმდეგ

ამ მატჩს განსაკუთრებული დატვირთვა აქვს, რადგან ერთმანეთის წინაშე სრულიად განსხვავებული ისტორიის გუნდები წარსდგებიან. დინამო თბილისი ქვეყნის ყველაზე ტიტულივანი კლუბია, სპაერი კი სულ რაღაც 7 წლის შექმნილი გუნდია და ყოველწელს პროგრესირებს.

დინამო თბილისმა ეროვნული ლიგის ეს სეზონი ცხრილის შუა ნაწილში დაასრულა და ერთადერთი შანსი, რომ გუნდმა ევროტურნირებზე ითამაშოს, სწორედ თასის მოგებაა.

თუ გასულ სეზონებში სპაერი ეროვნულ ლიგაში გადასასვლელად იბრძოდა და ამასთან რამდენჯერმე ახლოსაც იყო, წელს სპაერი ელიგა 2-ში ადგილის შესანარჩუნებლად იბრძოდა და მიზანს მიაღწია. სეზონის ტრიუმფით დასრულება კი მათთვის თასის მოგება იქნება.

დინამო თბილისს საქართველოს დავით ყიფიანის სახელობის თასი სულ 13-ჯერ აქვს მოგებული, სპაერს არცერთხელ.

სპაერის გზა ფინალამდე: ხობი-სპაერი 1:2 (1/16 ფინალი), ლოკომოტივი 2-სპაერი 0:1 (1/8 ფინალი), სპაერი-თელავი 4:3 (1/4 ფინალი), სპაერი-გაგრა 2:2 პ.5:4 (1/2 ფინალი)

დინამო თბილისის გზა ფინალამდე: იბერია-დინამო 1:2 (1/8 ფინალი), დინამო თბ-დინამო ბთ 1:0 (1/4 ფინალი), დინამო-კოლხეთი 1:0 (1/2 ფინალი)

საქართველოს თასი, ფინალი

5 დეკემბერი, 19:00

მიხეილ მესხის სტადიონი, თბილისი

მთავარი მსაჯი: ალეკო აფციაური