[პრევიუ] გენერალური რეპეტიცია ბარსელონასთან მატჩის წინ - ნაპოლი ჯენოას წინააღმდეგ

ეს მატჩი ნაპოლისთვის უმნიშვნელოვანესია რამდენიმე ფაქტორის გამო. პირველ რიგში, გუნდმა ევროტურნირების ზონაში მოხვედრის შანსები უნდა შეინარჩუნოს, მეორე და მთავარი კი გუნდის მთავარი მწვრთნელის, ვალტერ მაძარის მომავალია, რომელსაც ამ თამაშის წაგების შემთხვევაში, გაშვებას უპირებენ.

ნეაპოლელებისთვის ჯენოასთან მატჩი ერთგვარი გენერალური რეპეტიცია იქნება ოთხშაბათს გასამართი ჩემპიონთა ლიგის მატჩის წინ, სადაც ისინი ბარსელონას დაუპირისპირდებიან.

ხვიჩა კვარაცხელიამ ბოლო მატჩებში ახალი როლი მოირგო, ძირითადად, ცენტრიდან თამაშობს და ამით მაძარი კმაყოფილია. მისი თქმით, ხვიჩა ცენტრიდან უფრო პროდუქტიულია.

ვალტერ მაძარი (ნაპოლის მწვრთნელი): "ბოლო მატჩებში, ხვიჩა ცენტრიდან თამაშობს და ვფიქრობ, მას ახალი როლი იდეალურად მოვარგე, რადგან თუნდაც გასულ ტურში, მილანთან მატჩში საუკეთესო იყო და მოედანზე ყველაფერი გააკეთა, მხოლოდ გოლის გატანა დააკლდა. არ ვიცი, იქნება თუ არა ჯენოასთან მატჩში ვიქტორ ოსიმენი, რომელსაც ნიგერიიდან ჩამოსვლის დროს პრობლემები შეეექმნა და გვიან შემოგვიერთდა."

ალბერტო ჯილარდინიო (ჯენოას მწვრთნელი): "ჩვენი მთავარი მიზანი დაცვაში თამაში გამოსწორებაა, ამ მხრივ დიდი პრობლემა გვაქვს. ჩემი მომავალი? ამაზე არ ვფიქრობ, რადგან მთავარი საფიქრალი გუნდის წარმატება და განვითარებაა. ამაზე მუშაობამ შედეგი მომდევნო მატჩებში უნდა გამოიღოს."

ნაპოლის ბოლო 5 მატჩი: მილანი-ნაპოლი 1:0, ნაპოლი-ვერონა 2:1, ლაციო-ნაპოლი 0:0, ნაპოლი-ინტერი 0:1, ნაპოლი-ფიორენტინა 3:0;

ჯენოას ბოლო 5 მატჩი: ჯენოა-ატალანტა 1:4, ემპოლი-ჯენოა 0:0, ჯენოა-ლეჩე 2:1, სალერნიტანა-ჯენოა 1:2, ჯენოა-ტორინო 0:0;

იტალიის სერია ა, 25-ე ტური;

სტადიო დიეგო არმანდო მარადონა, ნეაპოლი;

17 თებერვალი, 18:00 (თბილისის დროით);

მთავარი მსაჯი: ხუან საკი;

ნაპოლის სავარაუდო შემადგენლობა: მერეტი, დი ლორენცო, რაჰმანი, ნათანი, რუი, ანგისა, ლობოტკა, ზიელინსკი, პოლიტანო, სიმეონე, კვარაცხელია.

დანაკლისი: ხუან ჟესუსი.