[პრევიუ] იყო დრო ისინი იბრძოდნენ ჩემპიონობისთვის, თუმცა ახლა, მიზანი უბრალოდ სეზონის გადარჩენაა

პრემიერ ლიგაში ჩატარებული 29 შეხვედრის შემდეგ, "წითელი ეშმაკები" 48 ქულით მეექსვსე ადგილზე არიან, "არისტოკრატებმა" კი ჩატარებული 28 თამაშიდან 40 ქულის მოგროვება და მე-12 პოზიციაზე დამკვიდრება მოახერხეს. არცერთი მათგანი არ გამოდის ევროსარბიელზე, ვნახოთ, რა იქნება მომავალ სეზონში. ქომაგებს იმედი აქვთ, რომ სიტუაცია შეიცვლება.

ურთიერთშეხვედრების ისტორია - 163 მატჩი, საიდანაც 67-ჯერ იმარჯვეს "მანკუნიანელებმა", 50-ჯერ - "ლურჯებმა", 46 შემთხვევაში კი ფრე დაფიქსირდა. ბურთების შეფარდება: 265:218 "ოცნებათა თეატრის" ბინადრების სასარგებლოდ. ამ დაპირისპირების საუკეთესო გოლეადორი, 11 ბურთით, არის მარკ ჰიუზი, რომელიც თამაშობდა როგორც მანჩესტერში, ისე სტემფორდ ბრიჯზეც.

მაურისიო პოჩეტინო (ჩელსის მწვრთნელი): "დიახ, მიმდინარე სეზონში ბევრი რამ არ გამოდის ისე, როგორც ჩაფიქრებულია, თუმცა ეს სულაც არ ნიშნავს იმას, რომ მანჩესტერთან მატჩს მნიშვნელობა არ აქვს. მეტოქე ძლიერია, თუმცა ჩელსი თავისი მაქსიმუმის გაკეთებას ეცდება. იმედი მაქვს, რომ მოგებას შევძლებთ".

ერიკ ტენ ჰაგი (მანჩესტერის მწვრთნელი): "ეს არ იქნება მარტივი თამაში. ჩელსის ძალიან ახალგაზრდა და ფიზიკურად ძლიერი შემადგენლობა ჰყავს. ლონდონელებს ჩვენთვის პრობლემების შექმნა შეუძლიათ. რაც არ უნდა იყოს, მანჩესტერი მოსაგებად მოდის და მიზნის მისაღწევად ყველაფერს გავაკეთებთ".

ჩელსის ბოლო 5 მატჩი: ჩელსი-ბარნლი 2:2, ჩელსი-ლესტერი 4:2, ჩელსი-ნიუკასლი 3:2, ბრენტფორდი-ჩელსი 2:2, ჩელსი-ლიდსი 3:2;

მანჩესტერის ბოლო 5 მატჩი: ბრენტფორდი-მანჩესტერი 1:1, მანჩესტერი-ლივერპული 4:3, მანჩესტერი-ევერტონი 2:0, სიტი-მანჩესტერი 3:1, ნოტინგემი-მანჩესტერი 0:1;

ჩელსი: პეტროვიჩი, ჩალობა, ბადიაშილე, დისასი, კუკურელია, კაისედო, ენცო, გალაჰერი, სტერლინგი, პალმერი, ჯექსონი.

დანაკლისი: ჯეიმსი, ჩილუელი, ნკუნკუ, ფოფანა, ლავია, უგოჩუკვუ, კოლუილი.

მანჩესტერი: ონანა, მაგუაირი, ლინდელოფი, უან-ბისაკა, დალო, კაზემირო, მაინო, ბრუნო, რაშფორდი, გარნაჩო, ჰოილუნდი.

დანაკლისი: შოუ, მალასია.

პრემიერ ლიგა, 31-ე ტური;

4 აპრილი, 23:15;

ლონდონი, სტემფორდ ბრიჯი;

მთავარი მსაჯი: ჯარედ ჟილეტი.