[პრევიუ] ლა ლიგის ლიდერების მატჩი - რეალი ჟირონას წინააღმდეგ

თუმცა მიმდინარე სეზონში, ჟირონა მაღალ დონეზე გამოდის და ყველასგან გასაკვირად, მეორე ადგილზეა. რაც არ უნდა მოხდეს, ეს სეზონი მათთვის უკვე წარმატებულად ჩაითვლება.

დღეს, ჟირონას რთული მატჩი აქვს, ლიდერ რეალთან არ უნდა წააგოს, თორემ საჩემპიონო შანსები შეუმცირდება. არადა, რამდენიმე ტურის წინ, ისინი გათამაშების ლიდერებიც კი იყვნენ.

თავის მხრივ, რეალი საოცარ ფორმაში შევიდა და დაუმარცხებელია. მათი მთავარი მამოძრავებელი ძალა კი ჯუდ ბელინგემია, რომელიც სეზონის მთავარი აღმოჩენაა.

გასულ ტურში, ორივე ლიდერმა ქულები დაკარგა. ჟირონამ შინ სოსიედადს ვერ მოუგო, რეალმა კი თანაქალაქელ ატლეტიკოსთან მოგება ბოლო წუთებზე გაანიავა.

კარლო ანჩელოტი (რეალის მწვრთნელი): "ორი ლიდერის შეხვედრაა, მაგრამ ჩემი აზრით, ეს დაპირისპირება საჩემპიონო ბრძოლაში გადამწყვეტი არ არის, რადგან წინ კიდევ გრძელი სეზონია და ყველაერი შეიძლება მოხდეს. კიდევ ერთი რთული ტესტი გველის, ჩვენი მიზანი კი მაღალი დონის თამაშის ჩვენება და გამარჯვებაა."

მიჩელი (ჟირონას მწვრთნელი): "თუ სანტიაგო ბერნაბეუზე რეალის წინააღმდეგ გავიმარჯვებთ, ეს ჩვენთვის დიდი ზეიმი იქნება და ტიტულის მოპოვების შანსებს მოვიპოვებთ, მაგრამ ეს 3 ქულა ამ მიზნისთვის საკმარისი არ არის. ალბათ, 90 ქულა მაინც არის საჭირო, რომ ლა ლიგის ჩემპიონი გახდე."

რეალის ბოლო 5 მატჩი: რეალი-ატლეტიკო 1:1, ხეტაფე-რეალი 0:2, ლას პალმასი-რეალი 1:2, რეალი-ალმერია 3:2, ატლეტიკო-რეალი 4:2

ჟირონას ბოლო 5 მატჩი: ჟირონა-სოსიედადი 0:0, სელტა-ჟირონა 0:1, მალიორკა-ჟირონა 3:2, ჟირონა-სევილია 5:1, ჟირონა-რაიო 3:1

ურთიერთშეხვედრები (ბოლო 5 მატჩი): ჟირონა-რეალი 0:3, ჟირონა-რეალი 4:2, რეალი-ჟირონა 1:1, რეალი-ჟირონა 1:2, ჟირონა-რეალი 1:3

რეალი-ჟირონა
ესპანეთის ლა ლიგა, 24-ე ტური, 21:30 (თბილისის დროით);
სანტიაგო ბერნაბეუ, მადრიდი
მთავარი მსაჯი: ხოსე მუნუერა

რეალი: ლუნინი, კარვახალი, რუდიგერი, ჩუამენი, მენდი, ვალვერდე, კროოსი, კამავინგა, ბელინგემი, როდრიგო, ვინისიუსი

დანაკლისი: ალაბა, კურტუა, მილიტაო

ჟირონა: გაზანიგა, გუტიერესი, გარსია, ხუანპე, მარტინესი, კოუტუ, სავიო, ალექს გარსია, მარტინი, ციგანკოვი, დოვბიკი

დანაკლისი: ბლინდი, ერერა, ლოპესი, როკა, ვილა, ჯასტინი