[პრევიუ] ტურის ერთ-ერთი გამორჩეული მატჩი: მილანი - ატალანტა

სერია ა-ს 26-ე ტურში ცენტრალურ მატჩს სან სირო უმასპინძლებს. სტეფანო პიოლის მილანი ჯან პიერო გასპერინის ატალანტას შეხვდება.

გუნდები ცხრილში მეზობლად იმყოფებიან, როსონერი 52 ქულით მესამე პოზიციაზეა, ატალანტა კი 45 ქულით მეოთხეა, თუმცა ისიც აღსანიშნავია, რომ გასპერინის გუნდს ერთი მატჩით ნაკლები აქვს ჩატარებული.

ამ სეზონზე გუნდები უკვე ორჯერ შეხვდნენ ერთმანეთს. პირველ წრეში, საოცრად დაძაბული მატჩი ვიხილეთ, სადაც მასპინძელმა გუნდმა 3:2 გაიმარჯვა, შემდეგ კი იანვარში სან სიროზე სათასო მატჩი გაიმართა, სადაც ასევე გასპერინის გუნდი დარჩა გამარჯვებული. ამ სეზონზე, პიოლის გუნდს ატალანტასთან თამაში არ გამოსდის.

ტურის ცენტრალურ შეხვედრას, გუნდები განსხვავებულ ხასიათზე ხდვებიან - მილანმა ზედიზედ ორი მატჩი წააგო, ჯერ მონცასთან, შემდეგ კი რენთან. რაც შეეხება გასპერინის გუნდი, ატალანტა ამ თამაშს 10-მატჩიანი წაუგებელი სერიით ხვდება.

ამ შეხვედრას დიდი დატვირთვა კიდევ ერთი მიზეზის გამო ექნება - შარლე დე კეტალარე, ფეხბურთელი რომელიც ჯერ კიდევ მილანის საკუთრებაშია, თუმცა ახლა ატალანტას ღირსებას იცავს. 22 წლის ბელგიელს საოცარი სეზონი აქვს. პირველ წრეში, ამ ორ გუნდს შორის შეხვედრაში, შარლემ თავი საგოლე გადაცემით გამოიჩინა. ჯამში კი, ამ სეზონზე, ფეხბურთელს ყველა ტურნირზე 10 გოლი აქვს გატანილი და 7 საგოლე გადაცემა გაკეთებული.

სტეფანო პიოლი (მილანის მწვრთნელი): "ჩვენ ვეთამაშებით გუნდს, რომელიც ძალიან კარგ ფორმაშია, გასპერინი კი ერთ-ერთი ყველაზე ძლიერი სპეციალისტია სერია ა-ში. ეს იქნება რთული მატჩი, რადგან ამ გუნდმა ამ სეზონზე უკვე ორჯერ მოგვიგო, თუმცა მჯერა, რომ ახლა ჩვენ ვაჯობებთ. ჩვენ კარგად მოვემზადეთ ამ მატჩისთვის."