მსოფლიოს საკლუბო ჩემპიონატის ნახევარფინალში გაიმართება საინტერესო მატჩი მადრიდის რეალსა და პსჟ-ს შორის.
მოგეხსენებათ, რეალის შემტევი კილიან მბაპე პსჟ-დან კონფლიქტით წამოვიდა და პარიზულ კლუბს სასამართლოში უჩივლა.
მბაპეს თქმით, მას 2 წლის წინ ავიწროებდნენ და აიძულებდნენ, რომ პსჟ-სთან ახალი კონტრაქტი გაეფორმებინა. ამის გამო, მან სასამართლოში სარჩელი შეიტანა.
ხანგრძლივი პროცესების შემდეგ, მბაპემ გადაწყვეტილება შეიცვალა და სარჩელი უკან გამოიტანა. ეს ყველაფერი კი პსჟ-სთან მატჩამდე ერთი დღით ადრე მოხდა.
ამასთან ერთად, მბაპე პსჟ-ს კონტრაქტის დეტალებზეც ედავება და 55 მილიონს სთხოვს. ამ დავის პროცესი კვლავ ძალაშია.
