პრემიერ ლიგის მე-17 ტურის გახსნითი მატჩი სენტ ჯეიმს პარკზე გაიმართა, სადაც მაყურებლმა ნიუკასლისა და ჩელსის დაპირისპირება იხილა. გუნდებმა 90 წუთის განმავლობაში ერთმანეთს არაფერი დაუთმეს, რასაც შეხვედრის ლოგიკური დასასრულიც მოჰყვა.
პირველი ტაიმი უდავოდ ნიუკასლის იყო — ნიკ ვოლტემადეს დუბლით ედი ჰაუს გუნდმა ჩელსის პირველ ნახევარში აჯობა, თუმცა მეორე 45 წუთი თავიდან ბოლომდე ენცო მარესკას გუნდის იყო. ანგარიში ჯერ რის ჯეიმსმა შეამცირა, გამათანაბრებელი გოლი კი ჟოაო პედრომ შეაგდო.
ჩელსიმ ამ მატჩის შემდეგ 29 ქულა მოაგროვა, რითაც მე-4 ადგილი გაიმყარა. რაც შეეხება ნიუკასლს, "კაჭკაჭებმა" 23 ქულა მოაგროვეს და დროებით მე-11 პოზიციაზე გადასვლა მოახერხეს.
ნიუკასლი 2-2 ჩელსი
გოლები: 1-0 ნიკ ვოტემადე 4', 2-0 ნიკ ვოლტემადე 20', 2-1 რის ჯეიმსი 49', 2-2 ჟოაო პედრო 66'.
მატჩის მიმოხილვა
