ქართველის მოწინააღმდეგე იქნება წარმოშობით პალესტინელი, თუმცა ამერიკის სახელით მებრძოლი აბდულ-კარიმ ალ-სელვადი.
მას ჩატარებული აქვს 19 ბრძოლა - მის ანგარიშზე ფიქსირდება 15 გამარჯვება და 4 მარცხი.
რაც შეეხება "ვიკინგს", შეგახსენებთ, რომ 16 ბრძოლაში მან 12 გამარჯვების მოპოვება მოახერხა. უშუალოდ UFC-ში კი მის ანგარიშზე არის 1 მოგება და 2 წაგება.
ქუთათელაძემ თავის მოწინააღმდეგეს სოციალური ქსელის საშუალებით მიმართა: "ვიცნობ ამ ადამიანს, ვიცნობ მის მამას. არ შემიძლია ამ ყველაფრის კომენტარის გარეშე დატოვება.
ისინი დიდებული, ღირსეული და ამაყი ხალხი არიან. ის ტკივილი, რასაც ის და მისი ხალხი განიცდის ენით წარმოუდგენელია, მაგრამ გარკვეულწილად, მესმის მათი, ჩემი წარმომავლობიდან გამომდინარე", - განაცხადა ქართველმა.
