LaGazzetta.ge-სთან ინტერვიუში გოგლიჩიძის შესახებ კომენტარი ტორპედოს აწ უკვე ყოფილმა მწვრთნელმა და ამჟამინდელმა სპორტულმა დირექტორმა, სტივ კინმა გააკეთა. მოგეხსენებათ, კინი გოგლიჩიძეს სწორედ ტორპედოში წვრთნიდა.
"გოგლიჩიძე რომ ტალანტი იყო, თავიდანვე კარგად ჩანდა, ამიტომ საერთოდ არ მიკვირს, რაც ახლა მის თავს ხდება. საბას შეუძლია, რომ დიდ გუნდში ითამაშოს.
კვარაცხელიას მსგავსად, გოგლიჩიძესაც ყველაფერი აქვს, რომ ტოპ კლუბის ფეხბურთელი გახდეს. ზოგადად გეტყვით, რომ ინგლისური პრესა ქართულ ფეხბურთსა და ტალანტებს აკვირდება და მათ შესახებ ბევრს წერს.
როცა საქართველოში ჩამოვედი, გაოცებული დავრჩი, რადგან საკმაოდ ტექნიკური და ნიჭიერი ფეხბურთელები გყავთ. მათ შეუძლიათ კიდევ განვითარდნენ და მაღალ დონეზე ითამაშონ", - განაცხადა სტივ კინმა ჩვენთან საუბარში.
