მადრიდის რეალმა ალმათის ქაირათი 5:0 გაანადგურა. კილიან მბაპემ იმ მატჩში შეასრულა ჰეთ-თრიქი და ის გახდა რიგით მეოთხე ფეხბურთელი "სამეფო კლუბის" ისტორიაში, რომელმაც ჩემპიონთა ლიგის გასვლით შეხვედრაში 3 ბურთი შეაგდო. ფრანგ ფორვარდამდე ეს შეძლეს რონალდო ნაზარიომ, კრიშტიანუ რონალდუმ და ქარიმ ბენზემამ.
ბრაზილიელმა თავდამსხმელმა ჰეთ-თრიქი შეუსრულა მანჩესტერ იუნაიტედს, 2003 წელს, პორტუგალიელმა შემტევმა ეს გააკეთა ორჯერ - 2012 წელს აიაქსთან, ერთი წლის შემდეგ, გალათასარაისთან, ფრანგმა ფორვარდმა კი 3 ბურთი 2022-ში ჩელსის შეუგდო. როგორც ვხედავთ, ელიტურ სიას ბერნაბეუს ბინადრების ახალი ვარსკვლავური გოლეადორიც შეემატა.
რეალის ჰეთ-თრიქები ჩემპიონთა ლიგის გასვლით მატჩებში
| ფეხბურთელი | მატჩი | სეზონი |
| რონალდო ნაზარიო | მანჩესტერ იუნაიტედი 4:3 რეალი | 2002/03 |
| კრიშტიანუ რონალდუ | აიაქსი 1:4 რეალი | 2012/13 |
| კრიშტიანუ რონალდუ | გალათასარაი 1:6 რეალი | 2013/14 |
| ქარიმ ბენზემა | ჩელსი 1:3 რეალი | 2021/22 |
| კილიან მბაპე | ქაირათი 0:5 რეალი | 2025/26 |
