რამდენიმე დღის წინ, ოფიციალურად დადასტურდა, რომ 17 წლის მარცხენა მცველი საბა ხარებაშვილი კარიერას თურქულ ბაშაქშეჰირში გააგრძელებს და გუნდს ახალი სეზონიდან შეუერთდება. ხარებაშვილმა ახალ კლუბთან 4+1 წლიანი კონტრაქტი გააფორმა.
LaGazzetta.ge-ს ინფორმაციით, დინამო თბილისი ხარებაშვილის ტრანსფერში 4 მილიონ ევროს მიიღებს, რაც ამ კლუბის ისტორიაში რეკორდული მაჩვენებელია.
თუ Transfermarkt-ს დავუჯერებთ, ამ ფასად დინამოელებმა მხოლოდ ლეგენდარული გიორგი ქინქლაძე გაყიდეს, რომელიც მანჩესტერ სიტიში 1996 წელს გადავიდა.
ჩვენივე ინფორმაციით, დინამო თბილისი საბა ხარებაშვილის შემდგომ ტრანსფერში ბაშაქშეჰირის მხრიდან სატრანსფერო თანხის 25%-ს მიიღებს.
ყველაზე ძვირადღირებული გაყიდვები დინამო თბილისის ისტორიაში
| ფეხბურთელი | გუნდი | სატრანსფერო თანხა |
| საბა ხარებაშვილი | ბაშაქშეჰირი | 4 მილიონი € |
| გიორგი ქინქლაძე | მანჩესტერ სიტი | 4 მილიონი € |
| გიორგი მამარდაშვილი | ვალენსია | 3.85 მილიონი € |
| მიხეილ ყაველაშვილი | მანჩესტერ სიტი | 2 მილიონი € |
| გიორგი ჩაკვეტაძე | გენტი | 1.50 მილიონი € |
| ლუკა გაგნიძე | დინამო მოსკოვი | 1.50 მილიონი € |
| ვახტანგ სალია | ნიუკასლი | 1 მილიონი € |
