წინა კვირაში გამართული ბარსელონა-ინტერის სუპერ დაპირისპირების შემდეგ, გუნდებმა ტრავმების გამო თითო-თითო ფეხბურთელი დაკარგეს.საუბარია ჟულ კუნდესა და ლაუტარო მარტინესზე — ორივე ფეხბურთელი განმეორებით მატჩს დიდი ალბათობით გამოტოვებს. მეტიც, კუნდე ბარსელონას ვერც ელ კლასიკოში დაეხმარება. ფრანგი ცენტრალური მცველი დაახლოებით 3 კვირას იუქმებს.
განმეორებით მატჩამდე 48 საათით ადრე, ბარსელონას ბანაკიდან კარგი ამბავი გავრცელდა — რობერტ ლევანდოვსკიმ გუნდთან ერთად სრული დატვირთვით ივარჯიშა და თუ ბოლო მომენტში რაიმე გაუთვალისწინებელი არ მოხდება, ვეტერანი პოლონელი გუნდთან ერთად იტალიაში გაემგზავრება.
რაც შეეხება კიდევ ერთ ტრავმირებულ ფეხბურთელს, ალეხანდრო ბალდე ბოლომდე გამოჯანმრთელებას ვერ ასწრებს და დიდი ალაბთობით ამ მატჩში მონაწილეობას ვერ მიიღებს.
ნახევარფინალური ეტაპის განმეორებითი მატჩი ინტერსა და ბარსელონას შორის 6 მაისს, თბილისის დროით 23:00 საათზე გაიმართება. შეგახსენებთ, პირველი შეხვედრა ფრედ, 3-3 დასრულდა.
