რონალდო ნაზარიომ მადრიდის რეალში "გალაქტიკოს" ეპოქა გაიხსენა. ლეგენდარულმა თავდამსხმელმა განმარტა, თუ როგორ იყო მოწყობილი იმდროინდელი "სამეფო კლუბისა" და მისი ვარსკვლავების ფინანსური მხარე.
"რეალის იმდროინდელ ყველა ვარსკვლავს ჰქონდა ერთნაირი ხელფასი, თუმცა მე და ბექჰემი სასპონსორო კონტრაქტების გათვალისწინებით სხვებზე მეტ ფულს გამოვიმუშავებდით. ეს თანხა ნაწილდებოდა კლუბთან და შეიძლება ითქვას, რომ პრაქტიკულად უფასოდ ვთამაშობდით."
ბრაზილიელი თავდამსხმელის ციტატა კარგად ხსნის, თუ როგორი იყო იმ დროს მადრიდული გუნდის ფილოსოფია. ვარსკვლავებს იფორმებდნენ არა მხოლოდ მოედანზე დაფიქსირებული შედეგებისთვის, არამედ კომერციული მიზნებისთვისაც. მოთამაშეებს ჰქონდათ ფიქსირებული ხელფასი, მაგრამ ყველაზე მედიურ პერსონებს ფინანსური მოგება ფეხბურთის თამაშის გარეშე მოჰქონდათ.
