მომავალი წლის თებერვალში კრიშტიანუ რონალდუ 40 წლის გახდება, რითაც თავისი ცხოვრების მეხუთე ათწლეულს დაიწყებს. იქამდე კი შეგვიძლია შევაჯამოთ, თუ როგორი იყო პორტუგალიელი ფორვარდის დეკადა, 30 წლიდან - 39 წლამდე. აღსანიშნავია, რომ მეოთხე ათწლეულში ის უფრო პროდუქტიულია, ვიდრე 20-29 წლის ასაკში.
მესამე ათწლეულში ალ ნასრის ამჟამინდელმა კაპიტანმა გაიტანა 440 გოლი 596 შეხვედრაში, 30 წლის შემდეგ კი - 441 გოლი 523 შეხვედრაში. არ უნდა დაგვავიწყდეს ის ფაქტი, რომ ლეგენდარულ მე-7 ნომერს 40 წლამდე კიდევ 4 თვე აქვს დარჩენილი. რაც შეეხება კარიერის დასრულებას, ამაზე 39 წლის ფორვარდი საერთოდ არ ფიქრობს.
რონალდუს სტატისტიკა გუნდების მიხედვით ასეთია: სპორტინგი - 31 შეხვედრა 5 გოლი, მანჩესტერ იუნაიტედი - 346 შეხვედრა 145 გოლი, რეალი - 438 შეხვედრა 450 გოლი, იუვენტუსი - 134 შეხვედრა 101 გოლი, ალ ნასრი - 78 შეხვედრა 71 გოლი, პორტუგალიის ეროვნული გუნდი - 214 შეხვედრა 132 გოლი.
