როცა თავი სამშვიდობოს გგონია — ჩემპიონობა ყველაზე დიდი ჩამორჩენებიდან

ამ სტატიაში გავიხსენებთ, პრემიერ ლიგის ისტორიაში ყველაზე დიდ ქამბექებს საჩემპიონო რბოლაში.

ამ სეზონში "მეთოფეებმა" შეძლეს და მანჩესტერ იუნაიტედთან 13 ქულიანი ჩამორჩენის მიუხედავად, პრემიერ ლიგის ტიტულს დაეუფლნენ. ეს სეზონი პრემიერ ლიგის ისტორიაში ყველაზე დიდ ქამბექად შეიძლება შევრაცხოთ. ყველაფერი კი შობის შემდეგ დაიწყო, როდესაც არსენალმა საოცარი ფორმა აკრიფა, მანჩესტერ იუნაიტედს კი კრიზისი დაეწყო.

სერ ალექს ფერგიუსონის მანჩესტერ იუნაიტედს ჰქონდა დიდი სხვაობის დაძლევის შესანიშნავი ჩვევა, რაც ამ სეზონშიც ვიხილეთ. პირველი ასეთი შემთხვევა მოხდა პრემიერ ლიგის პირველი სეზონის დროს, როდესაც იუნაიტედი 5 დეკემბერს, მე-7 ადგილზე აღმოჩნდა, პირველ ადგილოსან ნორვიჩს კი 12 ქულით ჩამორჩებოდა. შემდეგ იყო ერიკ კანტონას ტრანსფერი და საჩემპიონო რბოლაში დაბრუნება — სეზონის ბოლოს მანჩესტერ იუნაიტედმა მეორე ადგილოსან ასტონ ვილას, 10 ქულით გაასწრო და ტიტულსაც დაეუფლა.

მანჩესტერ იუნაიტედი, 1995/96 სეზონი - 12 ქულიანი სხვაობა

სეზონი, სადაც კევინ კიგანის ნიუკასლის შეჩერება შეუძლებელი მოჩანდა... მაგრამ, მანჩესტერ იუნაიტედმა ისტორია კიდევ ერთხელ დაწერა, შეძლო და 12 ქულიანი სხვაობა კიდევ ერთხელ აღმოფხვრა და მორიგ პრემიერ ლიგურ ტიტულს დაეუფლა.

მანჩსტერ იუნაიტედი, 1996/97 სეზონი - 10 ქულიანი სხვაობა

ისევ ფერგი და მისი მანჩესტერ იუნაიტედი... ისევ უიმედი სიტუაციიდან მოგებული ტიტული, არადა ნიუკასლი აქაც ფავორიტი იყო და თითქოს აღარ უნდა განმეორებულიყო წინა სეზონის შეცდომა, თუმცა ოლდ ტრაფორდის ბინადრებს სულ სხვა გეგმები ჰქონდათ. დეკემბრის შუა რიცხვებში თითქმის დაკარგული პრემიერ ლიგის თასი, სეზონის ბოლოს მაინც მანჩესტერში წავიდა.

მანჩესტერ იუნაიტედი, 2002/03 სეზონი - 10 ქულიანი სხვაობა

ზემოთ უკვე ვახსენეთ და აქაც კიდევ ერთხელ გავიმეორებთ, ფერგიუსონი ქულების "დაქაჩვის" სპეციალისტად წლების განმავლობაში ჩამოყალიბდა — ახალი საუკუნე, იგივე მანჩესტერი. ნოემბრის ბოლოს, ფანებს თითქმის ყველანაირი იმედი გადაეწურათ, რადგან არსენალი დაფრინავდა და ტიტულისკენ თითქმის უდანაკარგოდ მიიწევდა, თუმცა მათმა საყვარელმა გუნდმა, დიდი ქამბექი კიდევ ერთხელ შემოგვთავაზა და სეზონი არც მეტი, არც ნაკლები, 5 ქულიანი სხვაობით მოიგო.

მანჩესტერ იუნაიტედი, 2008/09 სეზონი - 10 ქულიანი სხვაობა

დიახ, მანჩესტერ იუნაიტედის მორიგი დიდი დაბრუნება და კიდევ ერთი გაფრთხილება ყველას, რომ ეს გუნდი არასდროს ნებდება! იუნაიტედი დეკემბრის ბოლოს, ლივერპულს 10 ქულით ჩამორჩებოდა, თუმცა კრიშტიანუ რონალდუმ და სხვა ბიჭებმა, ეს ჩამორჩენა მაინც დაძლიეს და სეზონი 90 ქულით დაასრულეს. ფერგიმ კიდევ ერთი საოცრება შემოგვთავაზა!

მანჩესტერ სიტი, 2018/19 სეზონი - 10 ქულიანი სხვაობა

ბოლო წლების ერთ-ერთი ყველაზე დიდი ქამბექი, რომელიც ამჯერად მანჩესტერ იუნაიტედის თანაქალაქელმა სიტიმ შემოგვთავაზა. ამ სეზონში პეპ გუარდიოლასა და იურგენ კლოპის ძალიან დიდი ჯახი ვიხილეთ! ლივერპული ამ სეზონში საოცრად გამოიყურებოდა და ენფილდის ბინადრები ჩემპიონობის მთავარი ფავორიტები იყვნენ, თუმცა სიტის სხვა გეგმები ჰქონდა. ისინი ტიტულის დასაცავად ყველაფერს გააკეთებდნენ. გუარდიოლას გუნდმა საბოლოო ჯამში 98 ქულის მოგროვება მოახერხა, როცა კლოპის შეგირდებმა 97 ქულას მოუყარეს თავი. ეს იყო პრემიერ ლიგის ისტრორიაში ერთ-ერთი საუკეთსო სეზონი, სადაც ვიხილეთ ორი ძალიან ძლიერი გუნდის დიდი ბრძოლა.

ახლა კი 2024 წელს დავუბრუნდეთ და ზემოთ ხსენებული 8 ქულიანი ჩამორჩენა, რომელიც ამ ტურში პოტენციურად 11 ქულა შეიძლება გახდეს, კიდევ ერთხელ გავიხსენოთ. ამ ტურში გასამართი დაპირისპირება, ძალიან ბევრ რამეს გადაწყვეტს. მთელი საფეხბურთო სამყაროს ყურადღება ლივერპული-მანჩესტერ სიტის მატჩზე იქნება მიპყრობილი... და ბოლოს, ერთი პატარა შეხსენება, პრემიერ ლიგას ახსოვს დიდი ქამბექები, შესაბამისად, ნოემბრის ბოლოს, ცხრილში რა სიტუაციაც არ უნდა იყოს, არც ერთი გუნდი ჯერ არ უნდა ჩამოვწეროთ.