მანჩესტერ იუნაიტედის მხრიდან 2-2 გოლის გატანა მარკუს რაშფორდმა და ჯოშუა ზირკზემ მოახერხეს. აუცილებლად უნდა გამოვარჩიოთ ბრუნო ფერნანდეშისა და ამად დიალოს პერფორმანსიც. როგორც პორტუგალიელმა, ისე კოტ-დ'ივუარელმაც ორი საგოლე გადაცემა მიითვალა.
რუბენ ამორიმის გუნდმა ამ გამარჯვების შემდეგ 19 ქულა მოაგროვა და მე-9 პოზიციამდე აღზევდა. რაც შეეხება შონ დაიჩის გუნდს, ევერტონი 11 ქულით, მე-15 პოზიციაზე დარჩა.
რუბენ ამორიმმა მანჩესტერული თავგადასავალი საკმაოდ კარგად დაიწყო — 3 მატჩიდან მისმა გუნდმა ორი გამარჯვება მოახერხა, ერთი კი ფრედ დაასრულა.
