საქართველო - სომხეთის საფეხბურთო მატჩზე დასასწრები ყველა ბილეთი გაყიდულია. ამ დროისთვის, tkt.ge- მატჩის ბილეთები აღარ იძებნება.
უეფას ერთა ლიგის პლეი-ოფში საქართველოს ნაკრები სომხეთს უპირისპირდება. პირველი მატჩი 20 მარტს, ერევანში გაიმართება. 23 მარტს, საქართველოს ნაკრები მეტოქეს დინამო არენაზე უმასპინძლებს.
საქართველო - სომხეთის თამაშის ბილეთების გაყიდვა დღეს, 12:00 საათზე დაიწყო და მისი ფასი 20, 40, 70 და 100 ლარი იყო.
მატჩი დინამო არენაზე გაიმართება. სსიპ. ლევან სამხარაულის სახელობის სასამართლო ექსპერტიზის ეროვნული ბიუროს განახლებული დასკვნის შედეგად, ამ დროისთვის, შეზღუდვა, პირველი იარუსის თვრამეტი სექტორიდან მხოლოდ ექვს სექტორს ეხება. შეზღუდვა არ ვრცელდება მატჩის ორგანიზებისთვის აუცილებელ ზონებზე.
ხვალ TKT.GE-ზე გაიყიდება ერევანში, სომხეთის ნაკრების წინააღმდეგ 20 მარტს გასამართ მატჩზე ქართველი გულშემატკივრებისთვის განკუთვნილი ბილეთები. ბილეთების გაყიდვა 28 თებერვალს, 12:00 საათზე დაიწყება. შეხვედრა ერევნის ვაზგენ სარგსიანის სახელობის სტადიონზე გაიმართება, რომელიც 14,000 მაყურებელს იტევს.
სომხეთი - საქართველოს მატჩის ბილეთის ფასი 10 ლარია. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია. თითოეულმა მომხმარებელმა უნდა მიუთითოს პასპორტის ნომერი/პირადი ნომერი და საკონტაქტო ინფორმაცია (მობილურის ნომერი და ელ-ფოსტა). გულშემატკივარი მატჩის ელექტრონულ ბილეთს თამაშამდე 24 საათით ადრე მიიღებს.
ფოტო: საქართველოს ფეხბურთის ფედერაცია
საქართველო VS სომხეთი - ყველა ბილეთი გაყიდულია
