2025 წლის შემოდგომის ტესტებზე, საქართველოს მორაგბეთა ეროვნული ნაკრები იაპონიას დაუპირისპირდება — ინფორმაცია ოფიციალურად დადასტურდა.
ბორჯღალოსნებთან ტესტ მატჩს, იაპონიის ნაკრების გამოცდილი მთავარი მწვრთნელი, ედი ჯონსი გამოეხმაურა და აღნიშნა, რომ საქართველო სარაგბო სამყაროში ყველაზე მეტად განვითარებადი გუნდია.
"მოხარულები ვართ, რომ 2025 წელს 3 შესანიშნავია ტესტ მატჩით დავასრულებთ. ირლანდია შეტევაში ყველაზე თანმიმდევრულია, ხოლო მათი დაცვა უბრალოდ უმაღლესი დონეა. უელსთან კარდიფში დაპირისპირება მსოფლიო რაგბიში ერთ-ერთი საუკეთესო გამოცდილებაა — იქ ატმოსფერო მსოფლიოში საუკეთესოა."
"საქართველოს კი მსოფლიოში ყველაზე მეტად განვითარებადი ნაკრები ჰყავს — ისტორიულად ძლიერ წინა ხაზს ახლა უკვე მაღალი კლასის და გამოცდილების უკანა ხაზიც დაემატა. საქართველოსთან მატჩი ჩემი გუნდისთვის წლის შესაფერისი დასასრული იქნება" — განაცხადა 65 წლის ავსტრალიელმა სპეციალისტმა.
"საქართველოს ნაკრები მსოფლიოში ყველაზე განვითარებადია" — ედი ჯონსი
