თბილისში მიმდინარე ძიუდოს ევროპის ჩემპიონატზე ოქროს მედალი მოიპოვა ლაშა შავდათუაშვილმა და დაჯილდოვების ცერემონიალის შემდეგ კომენტარი გააკეთა.
"საქართველოში ასეთი მაღალი რანგის ტურნირის მოგება ჩემი ოცნება იყო და ბედნიერი ვარ, რომ დღეს ეს შევძელი. სხვა ემოციაა, როდესაც საკუთარ კედლებში ახერხებ გულშემატკივრების გახარებას და დილიდან მხოლოდ ოქროს მედლის მოსაგებად ვიბრძოდი."
"ბოლო პერიოდში არ ვიყავი კარგ ფორმაში, თუმცა, ჩემი თავის რწმენა არ დამიკარგავს და ვიცოდი, რომ ისევ გავიმარჯვებდი. მინდა დამწყებ სპორტსმენებს ვუთხრა, რომ წაგება სირცხვილი არ არის და მარცხი არ ნიშნავს, რომ წარმატების მიღწევა არ შეგიძლია. ვიცი, რომ როდესღაც კარიერაც დასრულდება, მაგრამ ჩემი თავის მჯერა და ისევ ვიღებ სპორტისგან უდიდეს სიამოვნებას."
"მინდა ეთერისაც მივულოცო ჩემპიონობა, მისმა გამარჯვენამ დიდი მუხტი და ძალა მომცა ფინალური ორთაბრძოლის წინ" - ლაშა შავდათუაშვილი.
