დინამო ბათუმმა გაგრას უმასპინძლა. როგორც მოსალოდნელი იყო, მასპინძლები დიდ უპირატესობას ფლობდნენ, თუმცა თავის მხრივ, მომენტები გაგრასაც ჰქონდა.
პირველ ტაიმში როინ კვასხვაძემ რამდენჯერმე გადაარჩინა ბათუმი, მეორე ნახევარში გაგრელებმა ბურთი ძელსაც კი გაარტყეს.
რაც დრო გადიოდა, ბათუმი მეტოქის ნახევარზე მკვიდრდებოდა, ბოლო წუთებზე კი მცველების შეცდომით გოლი მათ აქეთ გაუშვეს, ვაწაძის გოლით გაგრამ 0:1 მოიგო.
სენსაციური გამოდგა გორის დილასა და სამგურალის მატჩიც. როგორც წესი, კარგ ფორმაში მყოფი დილა საკუთარ მოედანზე ქულებს არ კარგავს ხოლმე, თუმცა ამჯერად ასე არ მოხდა და სამგურალთან ფრედ 1:1 ითამაშა.
ყველაზე დრამატული და უხვგოლიანი შეხვედრა იბერიასა და ტორპედოს შორის შედგა. თბილისელები 2:0 იგებდნენ და თითქოს ყველაფერი გადაწყვიტეს, თუმცა ტორპედომ სხვაობა შეამცირა. მეორე ნახევარში იბერია კვლავ 2-ბურთიანი სხვაობით გავიდა წინ. 72-ე წუთზე არაბიძემ პენალტი გაიტანა, მსაჯის მიერ დამატებულ წუთზე კი იონსენმა შეასრულა და გუნდს ქულა მოუტანა - 3:3.
