ანრი განიხილავს, თუ რატომ ვერ გაიხსნა მბაპე რეალში და საინტერესო ტაქტიკურ ანალიზს გვთავაზობს.
"წარმოიდგინეთ, ბელინგემი 10 ნომერია და ის უფრო ხშირად შერბის საჯარიმოში, ვიდრე მათი 9-იანი. ბელინგემი მცველებს ზურგს უკანაც შერბის, ფლანგზეც ხვდება, დაცვასაც ეხმარება და დიდი დატვირთვა აქვს.
შეიძლება მსგავსი რამ ერთხელ ან 2-ჯერ მოხდეს, მაგრამ როცა სისტემატიური სახე აქვს, ასე თამაშების მოგება საკმაოდ რთულია. არ ვფიქრობ, რომ რეალი გუნდურად თამაშობს.
ჩემი აზრით, 10-იანზე მეტად საჯარიმოში შერბენები ფორვარდმა უფრო უნდა გააკეთოს, ვგულისხმობ კილიან მბაპეს. ის ფორვარდია, თუმცა არ მოეთხოვება დროგბასავით ან სხვა თავდამსხმელებივით ბურთის დაჭერა, მისი მთავარი დავალება ზურგს უკან შერბენები უნდა იყოს, როცა ბურთს ბელინგემი იღებს.
ანჩელოტი უმაღლესი დონის სპეციალისტია და დარწმუნებული ვარ, იპოვის იდეალურ გზას, როგორ აათამაშოს თავისი ყველა ვარსკვლავი", - განაცხადა ანრიმ.
