"მაქს, გამარჯვებას გილოცავ. პატივს ვცემ შენს ისტორიასა და ყველაფერს, რასაც მიაღწიე, შენს მშვენიერ ოჯახთან ერთად. იმედია, წლის ბოლომდე შევხვდებით ოქტაგონზე და დამიჯერე, ისეთ რაღაცას იგრძნობ, რაც აქამდე არასდროს გიგრძვნია. პირველი ვიქნები, ვინც გაგთიშავს. ფილიპელთა 4:13", - წერს "ელ მატადორი" სოციალურ ქსელში.
ჰოლოუეის პასუხმა არ დააყოვნა:
"ჩემპიონო, ეს ყველაფერი სიყვარულია. მალე შევხვდებით. იერემია 51:20".
როგორც ვხედავთ, ორივე მებრძოლმა შთაგონება ბიბლიიდან აიღო. თოფურია გულისხმობდა იმ ფაქტს, რომ ქრისტეს დახმარებით მას ყველაფერი შეუძლია. ჰავაელმა კი ხაზი გაუსვა იმ ფაქტს, რომ ის ღმერთის იარაღია.
