დანიასთან მატჩი საქართველოსთვის განსაკუთრებით მნიშვნელოვანია. გამარჯვების შემთხვევაში ჩვენი გუნდი ევრობასკეტის საგზურს ზედიზედ მეექვსედ მოიპოვებს. წაგების შემთხვევაში, მხოლოდ საქართველოს მატჩები აღარ გადაწყვეტს საგზურის ბედს, აუცილებელი იქნება სერბეთში გამარჯვება, თან ისე, რომ დანიამ შინ ფინეთთან წააგოს.
მატჩის შესახებ, Lagazzetta.ge-სთან საქართველოს ნაკრების მთავარმა მწვრთნელმა, ალეკსანდარ ჯიკიჩმა, ეროვნული ნაკრების კაპიტანმა, თორნიკე შენგელიამ და ჩვენი გუნდის კალათბურთელებმა, გიორგი შერმადინმა და დუდა სანაძემ ისაუბრეს:
ალეკსანდარ ჯიკიჩი: "ძალიან რთული მატჩი იქნება. სამწუხაროდ, პირველი თამაში ჩვენ წავაგეთ დანიაში. მოწინააღმდეგის გუნდში დაბრუნდა შილდსი, რომელიც საუკეთესო მოთამაშეა. ათლეტური, მოძრავი გუნდია. თებერვლის ფანჯარაში საქართველო - დანიის მატჩი ალბათ, ყველაზე საინტერესო დაპირისპირებაა."
თორნიკე შენგელია: "ხვალ უმნიშვნელოვანესი მატჩი გველოდება. ვიცით, რამდენად ძლიერი გუნდი ჰყავთ დანიელებს. ხვალ ყველაზე მეტად, გულშემატკივრის მხარდაჭერა გვჭირდება. დღეს კარგი ვარჯიში გვქონდა და იმედია, ხვალ ყველა ერთად ვიზეიმებთ გამარჯვებას. წინა ევრობასკეტი ტრავმის გამო გამოვტოვე, რაც ჩემთვის ძალიან მტკივნეული იყო, ჯგუფიდანაც ვერ გავედით და ამ ყველაფრის გარედან ყურება ძალიან რთულია. მნიშვნელოვანია, ხვალ გავიდეთ ევრობასკეტზე და იქაც წარმატებით ვიასპარეზოთ.”
გიორგი შერმადინი: “გუნდში ძალიან კარგი განწყობაა. მოსამზადებლად ცოტა დრო გვაქვს ხოლმე და სამწვრთნელო შტაბი ცდილობს მონახაზი, რაც გვაქვს ყველაფერი კარგად შევასრულოთ. ყველამ კარგად ვიცით, დანიასთან მატჩი რამდენად მნიშვნელოვანია ჩვენი ქვეყნისთვის, ჩვენი კალათბურთის განვითარებისთვის და იმედია, ხვალინდელი დღე ერთ-ერთი დასამახსოვრებელი იქნება. მინდა ვუთხრა, ჩვენს ძვირფას გულშემატკივარს, რომ ხვალინდელ თამაშზე მოვიდეს და ჩვენთან იყვნენ. იმედი მაქვს, კიდევ ერთხელ ვიზეიმებთ ევრობასკეტზე გასვლას.
დუდა სანაძე: ხვალინდელი თამაშისთვის მზად ვართ, როგორც ტაქტიკურად ასევე ფიზიკურად. 3 დღე გვქონდა მოსამზადებლად, საკმარისი არ იყო, მაგრამ ტაქტიკური მზაობისთვის ყველაფერი გავაკეთეთ. რთული თამაში გველოდება, ვინც მოიგებს ის გადის ევრობასკეტზე. შესაძლოა, ძალიან ცნობილი საკალათბურთო ნაკრები არაა დანია, მაგრამ ძლიერი მოთამაშეები ჰყავთ. ჩვენ ყველაფერი უნდა გავაკეთოთ მოსაგებად, რათა კიდევ ერთხელ გავახაროთ ჩვენი გულშემატკივარი."
შეგახსენებთ, საქართველოს ნაკრებს NBA-ში მოასპარეზე კალათბურთელები ვერ დაეხმარებიან. NBA-ში მიმდინარე სეზონის დროს კალათბურთელი ეროვნულ ნაკრებში სათამაშოდ ვერ მიდიან.
საქართველოს ნაკრები 21 თებერვალს თბილისში დანიას, ხოლო 24 თებერვალს, სერბეთს, ბელგრადში შეხვდება.
საქართველო - დანიის შეხვედრა თბილისი არენაზე 21 თებერვალს, 20:50 საათზე დაიწყება. მატჩზე დასასწრები ბილეთები ონლაინ, TKT.GE-ზე იყიდება.
შეგახსენებთ, საქართველოს ნაკრებს NBA-ში მოასპარეზე კალათბურთელები ვერ დაეხმარებიან. NBA-ში მიმდინარე სეზონის დროს კალათბურთელი ეროვნულ ნაკრებში სათამაშოდ ვერ მიდიან.
საქართველოს ნაკრები 21 თებერვალს თბილისში დანიას, ხოლო 24 თებერვალს, სერბეთს, ბელგრადში შეხვდება.
საქართველო - დანიის შეხვედრა თბილისი არენაზე 21 თებერვალს, 20:50 საათზე დაიწყება. მატჩზე დასასწრები ბილეთები ონლაინ, TKT.GE-ზე იყიდება.
