LaGazzetta.ge-ს ინფორმაციით, თითქმის გადაწყვეტილია, რომ ტორპედოში იბერიას მთავარი ლიდერი და კაპიტანი გიორგი კოხრეიძე ითამაშებს.
კოხრეიძე გასულ სეზონში იბერიასთან ერთად ჩემპიონი გახდა, თავად კოხრეიძე კი წლის საუკეთესო ფეხბურთელად დასახელდა.
მოგეხსენებათ, იმერულ გუნდში დიდი ცვლილებები იგეგმება. მათ შორის, მთავარი მწვრთნელისაც. განიხილება რამდენიმე უცხოელი კანდიდატი.
გიორგი კოხრეიძის გარდა, ახალი სეზონიდან ტორპედოში პაატა ღუდუშაური და ლევან ხარაბაძე ითამაშებენ.
