შეხვედრის ანგარიში მასპინძლებმა პირველი ტაიმის მიწურულს, 38-ე წუთზე გახსნეს — თავი კაი ჰავერციმ გამოიჩინა და მეთოფეებმა პირველი ნახევარი მოიგეს.
მეორე ტაიმის დებიუტში, 49-ე წუთზე, მსაჯმა საკამათო გადაწყვეტილება მიიღო, დეკლან რაისს მეორე ყვითელი ბარათი უჩვენა და მოედნიდან გააძევა. ზუსტად 9 წუთში კი ჟოაო პედრომ გაათანაბრა და საბოლოო ანგარიში, 1:1 დააფიქსირა.
სამი ტურის შემდეგ არსენალსა და ბრაიტონს 7-7 ქულა აქვთ და სატურნირო ცხრილს ლიდერობენ. მომდევნო ტურში, არტეტას გუნდი ტოტენჰემს ესტუმრება, ხოლო ჰურცელერის ბიჭები იპსვიჩს უმასპინძლებენ.
