ყოველი წლის ბოლოს, FIFPRO წლის საუკეთესო 11 ფეხბურთელისგან შემდგარ სიმბოლურ გუნდს აქვეყნებს.
2025 წლის სიმბოლურ გუნდში ის ფეხბურთელები მოხვდნენ, რომლებმაც თავი ჩემპიონთა ლიგასა და მსოფლიო საკლუბო ჩემპიონატზე გამოიჩინეს.
გასაკვირი არაა, რომ საუკეთესო 11-ეულის კარს პსჟ-ს ყოფილი და მანჩესტერ სიტის ამჟამინდელი მეკარე ჯანლუიჯი დონარუმა იკავებს.
გულშემატკივრების ნაწილის მხრიდან, ამ სიმბოლურ გუნდს დიდი კრიტიკა და განხილვა მოჰყვა. ბევრი თვლის, რომ ზოგი ისეთი ფეხბურთელი მოხვდა, რომელიც საუკეთესოთა შორის საერთოდ არ უნდა ყოფილიყო.
მაგალითად, ბარსელონას შემტევი რაფინია გულდაწყვეტილია და თვლის, რომ წლის საუკეთესო 11-ეულში მისი ადგილი აუცილებლად უნდა ყოფილიყო.
რაფინიას ამაზე საჯარო კომენტარი არ გაუკეთებია, თუმცა სიმბოლური გუნდის გამოქვეყნების შემდეგ, რაფინიამ სოციალურ ქსელებში თავისი დეტალური სტატისტიკა, ტიტულები და მიღწევები გამოაქვეყნა, რითიც FIFA-ს დაანახა, რომ იქ ყოფნას იმსახურებდა.
