უკრაინა - საქართველო, გულშემატკივრების მსვლელობა პოზნანში

უეფას ერთა ლიგის 2024/25 სეზონი გრძელდება — საქართველოს ეროვნული ნაკრები პირველი ჯგუფის მესამე შეხვედრას უკრაინის წინააღმდეგ გამართავს. ვილი სანიოლის გუნდი სტუმრად, ნეიტრალურ სტადიონზე ითამაშებს. მატჩს პოლონეთი, კერძოდ პოზნანი უმასპინძლებს.

11 ოქტომბერს, 17:00 საათიდან (პოლონეთის დრო), უკრაინა-საქართველოს მატჩის დაწყებამდე, პოზნანში, Grunwaldzka 104-ზე საქართველოს გულშემატკივრისთვის შეკრების ადგილი იფუნქციონირებს. 17:00 საათიდან დაიწყება მსვლელობა სტადიონისკენ.