პსჟ-ს ყოფილი და ამჟამინდელი ფეხბურთელები ამ გუნდის ერთ-ერთი მთავარი ლიდერის, ხვიჩა კვარაცხელიას შესახებ საუბრობენ.
დეზირე დუე: „ხვიჩა შესანიშნავი ადამიანია. ის ძალიან სწრაფად შეეგუა აქაურობას. უკვე ფრანგული იცის და ნელ-ნელა საუბარს იწყებს, ბევრსაც ხუმრობს. ჩვენ ძალიან კარგად ვუგებთ ერთმანეთს და ვფიქრობ, რომ კლუბში შექმნილი კონკურენცია ძალიან ჯანსაღია, რადგან ყველა ერთმანეთს ვუწყობთ ხელს."
ზაირ-ემერი: „ხვიჩაზე სათქმელი ბევრი არაფერია, რადგან ყველაფერს თავადაც ხედავთ. მან ზედიზედ სამჯერ მოიგო მატჩის საუკეთესო მოთამაშის თასი. როცა გუნდში ასეთი ფეხბურთელი გყავს, ყველაფერი უნდა გააკეთო, რომ სულ ფორმაში იყოს."
ჯერემი მენესი: "კვარაცხელია არაპროგნოზირებადი ფეხბურთელია, ის მარცხენა შემტევად თამაშობს და მის სათამაშო სტილში ჩემს თავს ვხედავ. სიჩქარე, ტექნიკა და თამაშის მანერა - კვარაცხელიას თამაში ძალიან მიყვარს და დიდ სიამოვნებას მანიჭებს"
ხავიერ პასტორე: „ის ძალიან ძლიერი და სწრაფია, წარმოუდგენლი დარტმა აქვს. ჩვენ განსხვავებული სათამაშო სტილი გვაქვს, მაგრამ კვარასნაირი მოთამაშის ყურება მსიამოვნებს."
იური ჯორკაეფი: „ხვიჩა პსჟ-სთვის მნიშვნელოვანი ფეხბურთელია, მას შემდეგ, რაც აქ ჩამოვიდა, გუნდის თამაშს სიღრმე შესძინა. ის არამხოლოდ შედეგიანობით, ეფექტურობითაც გამოირჩევა - ეს არის ის, რაც მასში მიყვარს, ხვიჩამ რაც ნეაპოლში გააკეთა, საოცრება იყო, მაგრამ რასაც პარიზში აკეთებს, წარმოუდგენელია."
