პეპ გუარდიოლამ განაცხადა, თუ რით დაკავდება მანჩესტერ სიტიდან წასვლის შემდეგ. შეგახსენებთ, რომ მისი მოქმედი კონტრაქტი "ქალაქელებთან" 2027 წლის ივნისამდეა გათვლილი. ესპანელი სპეციალისტი გეგმავს ფეხბურთისგან დასვენებას, მაგრამ არა სამუდამოს.
"მან სიტიდან წასვლის შემდეგ, მინდა გავჩერდე, ავიღო შესვენება, დავისვენო და მშვიდად ვიცხოვრო. ჩემს გეგმებშია საჭმლის მომზადება, ფრანგული ენის სწავლა, დროის უმეტესი ნაწილის გატარება ოჯახთან, მოგზაურობა, კონცერტებსა და გამოფენებზე სიარული, სამყაროს ახალი თვალით აღმოჩენა."
როგორც გვახსოვს, ესპანელი მწვრთნელის კარიერაში ყოფილა ერთადერთი პაუზა, 2012 - 2013 წლების შუალედში, ბარსელონადან წასვლისას, მიუნხენის ბაიერნში დანიშნვამდე. აქვე დავამატებთ, მანჩესტერული გუნდის დამრიგებელი ამჟამინდელ გუნდში 2016 წლიდან მუშაობს.
