ბრაზილიელს კითხვა რასიზმზე დაუსვეს, რომლის მსხვერპლიც ვინისიუსი ესპანეთში რამდენჯერმე გახდა და ამის გამო, რეალმა ლა ლიგაში საჩივარიც კი შეიტანა.
"დარწმუნებული ვარ, ესპანეთი არ არის რასისტების ქვეყანა, მაგრამ ამ ქვეყანაში მაინც არიან რასისტები, რომლებიც სტადიონზე დადიან.
მხოლოდ 23 წლის ვარ და უკვე ბევრისთვის მომიწია იმის ახსნა, რა არის რასიზმი და რამდენად საზიანოა ჩემთვის და ჩემი ოჯახისთვის. ერთხელ და სამუდამოდ, მათ ეს უნდა გაიგონ. ამის გამო, მსოფლიოს საუკეთესო კლუბს ნამდვილად ვერ დავტოვებ, რადგან ამ კლუბის ფეხბურთელები და პრეზიდენტი ჩემ გვერდით არიან.
საჩივარი ბევრჯერ დავწერეთ, მაგრამ რეაქცია არ მოჰყვა. არავის არ ვპასუხობ, უბრალოდ ფეხბურთის თამაში მინდა. მსურს, ესპანეთის ყველა სტადიონზე მშვიდად მივიდე, ვითამაშო და ჩემი კანის ფერის გამო არავინ გამაბრაზოს", - განაცხადა ვინისიუსმა და ემოციურ ფონზე ცრემლები ვერ შეიკავა.
