ფორმულა 1-ის წლევანდელი სეზონის მე-7 გრან პრი იტალიაში გაიმართა, სადაც გამარჯვება რედ ბულის მოქმედ ჩემპიონს, მაქვს ვერსტაპენს, დარჩა.
ნიდერლანდელ მრბოლელს გრან პრის დასრულებამდე 10 წრით ადრე საბურავებზე პრობლემები შეექმნა და ლანდო ნორისთან მოუწია ბრძოლა - საბოლოოდ, ვერსტაპენმა პირველობა შეინარჩუნა.
"ბოლო 10 წრეზე ნორისი ჩემზე სწრაფი იყო და განადგურებული საბურავების ფონზე, რთული იყო თავის დაცვა, თუმცა, მაინც შევძელი და გამარჯვებით ბედნიერი ვარ. მაკლარენი ყოველ რბოლაზე ვითარდება და უფრო სწრაფი ხდება" - აღნიშნა მოქმედმა ჩემპიონმა.
შეგახსენებთ, რომ ფორმულა 1-ის 2024 წლის სეზონის მე-8 გრან პრი 26 მაისს, მონაკოში გაიმართება.
