სეზონის კარგი სტარტის შემდეგ, გასულ ტურში უოტფორდმა ნორვიჩთან 4:1 წააგო, თუმცა ჩაკვეტაძე იქაც საუკეთესო იყო და მთელი ბრიტანეთი აალაპარაკა.
ამ კარგი პერიოდის დროს, ჩაკვეს შანსი აქვს მსოფლიოს გამორჩეული კლუბის წინააღმდეგაც გაიბრწყინოს და პეპ გვარდიოლას საფიქრალი გაუჩინოს.
LaGazzetta.ge-სთან ჩაკვეტაძემ ამ მნიშვნელოვანი მატჩის მოლოდინებსა და შანსებზე ისაუბრა:
"ასეთი ძლიერი გუნდის წინააღმდეგ უფრო მეორე ნომრად ვითამაშებთ. რთული მატჩი იქნება და შევეცდებით, მოედანზე ჩვენი მაქსიმუმი გავიღოთ. ყველა თამაშში ვცდილობ ბოლომდე დავიხარჯო, არ აქვს მნიშვნელობა, ვინ იქნება მეტოქე. სიტისთანაც შევეცდები კარგი თამაში ვაჩვენო."
მანჩესტერ სიტის რომ მსოფლიო დონის ფეხბურთელები ჰყავს, ახალი ამბავი არ არის. ჩაკვეტაძე მეტოქე გუნდის მოთამაშეებზეც გვესაუბრა.
"სიტის ისეთი მაღალი დონის ფეხბურთელები ჰყავს, რომ ერთს ვერ გამოვარჩევდი. ყველა საოცარი მოთამაშეა და ყველას უნდა ვუფრთხილდეთ", - გვითხრა ქართველმა ფეხბურთელმა.
მიმდინარე სეზონში ჩაკვეტაძის ანგარიშზე ერთი გოლი და 2 საგოლე გადაცემაა. შექმნილი მომენტების რაოდენობით, ის ჩემპიონშიფში საუკეთესოა.
