[VIDEO] 14 ქულა მაიამისთან! — მამუკელაშვილის მორიგი კარგი პერფორმანსი

გუშინ ღამით NBA-ის კიდევ ერთი შეხვედრა მაიამიში გაიმართა, სადაც ადგილობრივი ჰიტი ტორონტო რეპტორსს დაუპირისპირდა. კასეიას ცენტრში შეკრებილმა მაყურებელმა საკმაოდ დაძაბული მატჩი იხილა, სადაც გამარჯვება სტუმარ გუნდს დარჩა, 91-112.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 27:29 წუთი გაატარა. ამ დროში 26 წლის მოთამაშემ საკმაოდ სოლიდური პერფორმანსი შემოგვთავაზა: 14 ქულა, 6 მოხსნა, 7 პასი, 1 ჩაჭრა.

პარკეტზე საუკეთესო ტორონტოს მოთამაშე სკოტ ბარნსი იყო, რომელმაც 27 ქულა ჩააგდო, 8 მოხსნა შეასრულა და 4 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში ვაშინგტონ უიზარდს დაუპირისპირდება. მატჩი 27 დეკემბერს, თბილისის დროით 04:00 საათზე დაიწყება.

მაიამი ჰიტი - ტორონტო რეპტორსის მატჩის მიმოხილვა