[VIDEO] მამუკელაშვილის მორიგი სოლიდური პერფორმანსი — ტორონტომ ჩიკაგო დაამარცხა

გუშინ ღამით NBA-ის კიდევ ერთი შეხვედრა გაიმართა ჩიკაგოში, სადაც ადგილობრივმა ბულზმა ტორონტო რეპტორსს უმასპინძლა. იუნაიტედ ცენტრში შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება სტუმარ გუნდს დარჩა, 109-139.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 22:10 წუთი გაატარა. ამ დროში 26 წლის მოთამაშემ მორიგი სოლიდური პერფორმანსი შემოგვთავაზა: 17 ქულა, 4 მოხსნა, 5 პასი, 1 ჩაჭრა.

ტორონტომ სათამაშო ფორმა კვლავ აკრიფა და ზედიზედ მესამე მატჩი მოიგო, რითაც სატურნირო ცხრილში სიტუაცია საგრძნობლად გამოისწორა.

სანდრო მამუკელაშვილის გუნდი მომდევნო ტურში დენვერ ნაგეთს დაუპირისპირდება. მატჩი 21 მარტს, თბილისის დროით 05:00 საათზე დაიწყება.

ჩიკაგო ბულზი - ტორონტო რეპტორსის მატჩის მიმოხილვა