[VIDEO] სანდრო მამუკელაშვილის ტოპ პერფორმანსი ფინიქს სანსთან

გუშინ ღამით NBA-ის მორიგი შეხვედრა გაიმართა ფინიქსში, სადაც ადგილობრივმა სანსმა სან ანტონიო სპურსს უმასპინძლა. Footprint Center-ს არენაზე შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება მასპინძელ გუნდს დარჩა, 117-98.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე საკმაოდ დიდი დრო, კერძოდ 25:09 წუთი გაატარა. ამ დროში 25 წლის ცენტრმა ტოპ პერფორმანსი შემოგვთავაზა: 19 ქულა, 9 მოხსნა, 2 შედეგიანი პასი.

პარკეტზე საუკეთესო ფინიქსის მოთამაშე რაიან დანი იყო, რომელმაც 26 ქულა ჩააგდო, 11 მოხსნა შეასრულა და 1 შედეგიანი პასითაც გამოირჩა.

მამუკელაშვილის გუნდი მომდევნო ტურში ტორონტო რეპტორსს დაუპირისპირდება. მატჩი 13 აპრილს, თბილისის დროით 23:30 საათზე დაიწყება.

  იხილეთ მატჩის მიმოხილვა