ირჟი დუდეკმა ალისონ ბეკერსა და გიორგი მამარდაშვილს შორის არსებულ კონკურენციაზე ისაუბრა. შეგახსენებთ, რომ გასულ სეზონში ვალენსიაში იჯარით თამაშის შემდეგ, მერსისაიდელთა რიგები ქართველმა გოლკიპერმაც შეავსო. ინგლისურ კლუბში მისი კონკურენტი სწორედ ბრაზილიელი კარის დარაჯი იქნება.
"ალისონი მსოფლიოს ერთ-ერთი საუკეთესო მეკარეა და ლივერპულის მთავარი კარის დარაჯიც, მამარდაშვილს კი მისი შეცვლა ნამდვილად შეუძლია. მე მაქვს როგორც ძირითადში თამაშის გამოცდილება, ისე სათადარიგოთა სკამზე ყოფნისაც, ასე რომ ვიცი, თუ რას გრძნობს გიორგი.
მერსისაიდსა და ფეიენოორდში მუდმივად ვთამაშობდი სასტარტოში, რეალში გადასვლის შემდეგ კი ყველაფერი შეიცვალა. მითხრეს, რომ ვიქნებოდი მე-2 გოლკიპერი, იმისთვის, რომ კასილასი საუკეთესო ფორმაში დარჩენილიყო. ეს ვითარება მივიღე და შევასრულე კიდეც."
